AMPO FOUNDRY-K SEKTORE HIDROELEKTRIKOAN DUEN PRESENTZIA INDARTU DU PROIEKTU GARRANTZITSU BERRI BATEKIN

Osagai guztiz mekanizatuak eta muntatzeko prest daudenak fabrikatzen dituen mundu mailako lider den AMPO galdategiak bere presentzia zabaltzen jarraitzen du sektore hidroelektrikoan, Europako turbina fabrikatzaile garrantzitsu batek luzatutako eskari estrategiko berri bat medio.

Honenbestez, AMPOk kontratu esanguratsu bat eskuratu du Hego Koreako Cheongsong zentral hidroelektrikorako, non KOREA HYDRO & NUCLEAR POWER CO. Ltd. den erabiltzailea. Kontratu honek  bi Francis turbinentzako 66 gida-palaren fabrikazioa barne hartzen du, eta honako hauek AMPOk ekoitziko ditu, mekanizazio tailer esanguratsu batekin lankidetzan.

Sektore hidroelektrikoaren hazkundearekin konpromisoa

AMPOk azken sei hilabeteetan lortutako hainbat eskariri gehitu zaio azken proiektu hau, hala nola, Luang Prabang, Amata, Carhuaquero, Polska, Saltwater, Rana, Sant’Angelo Lodigiano, Riva del Garda eta Pickwick izeneko proiektuei. Hauek guztiek AMPO FOUNDRYren posizioa sendotu dute industria hidroelektriko globaleko osagai-hornitzaile nagusi gisa.

Sektore hidroelektrikorako osagaietan esperientzia

Francis, Kaplan eta Pelton turbinak altzairuzko hainbat piezarekin diseinatzen dira normalean, eta AMPOk modu eraginkorrean ekoizten ditu, galdaketa eta mekanizazio prozesu aurreratuenak erabiliz. Osagaiak guztiz mekanizatuta eta muntatzeko prest entregatzen dira, PT, MT, UT eta RT saiakuntza laborategi propioetan kalitate-kontrol zorrotzak gainditu ondoren.

1964az geroztik, AMPOk teknologia anitzeko ezagutza baliatu du aplikazio zorrotzenetarako osagaiak garatzeko. Karbono altzairu, altzairu herdoilgaitz eta aleazio berezietako osagaietan dago espezializatuta kooperatiba, eta osagaiak guztiz mekanizatuta eta muntatzeko prest entregatzen ditu.